Follow the FOURTH PILLAR LIVE channel on WhatsApp
കൊച്ചി: 2 പൂവൻ കോഴികളെ മുന്നിൽ നിർത്തി അവയുടെ കലപില ശബ്ദം മാത്രം പുറത്തുവിട്ടുകൊണ്ട് സംശയം എന്ന സിനിമയുടെ ഫസ്റ്റ് ലുക്ക്. ആദ്യം വന്ന അനൗൺസ്മെൻ്റു തന്നെ പ്രേക്ഷകരെ ഏറെ വിസ്മയിപ്പിച്ചതാണ്. ഇപ്പോഴിതാ ഫസ്റ്റ് ലുക്കിലും ഈ ചിത്രം പുതുമ നിലനിർത്തുന്നു.
അഭിനേതാക്കളെയോ, അണിയറ പ്രവർത്തകരയോ പരിചയപ്പെടുത്താതെ സസ്പെൻസ് സൃഷ്ടിക്കുകയാണ് ഈ ചിത്രത്തിൻ്റെ പിന്നണിയിലുള്ളവർ. ഈ സസ്പെൻസ് എത്ര നാൾ നീണ്ടുനിൽക്കും? ഇനിയും വരുന്ന അപ്ഡേഷനുകളിൽ ഈ സസ്പെൻസ് തുടരുമോ? തുടരുന്നുവെങ്കിൽ ഈ സസ്പെൻസ് എന്നു ബ്രേക്ക് ചെയ്യും? ഇത്തരത്തിൽ നിരവധി ചോദ്യങ്ങളാണ് സംശയം ടീം പ്രേക്ഷകർക്കു മുന്നിലിട്ടിരിക്കുന്നത്.
ഒരു സംശയം, ആവശ്യം പോലെ നർമ്മം, അനന്തമായ ആശയക്കുഴപ്പം എന്ന പ്രചാരണവാക്യത്തോടെ എത്തുന്ന ഈ ചിത്രം നവാഗതനായ രാജേഷ് രവിയാണ് സംവിധാനം ചെയ്തിരിക്കുന്നത്. 1985 സ്റ്റുഡിയോസിൻ്റെ ബാനറിൽ പി.എസ്.സുരാജ്, ഡിക്സൺ പൊടുത്താസ്, ലിനോ ഫിലിപ്പ് എന്നിവരാണ് ഈ ചിത്രം നിർമ്മിക്കുന്നത്. പി.ആർ.ഒ. -വാഴൂർ ജോസ്.
