തിരുവനന്തപുരം: കഴക്കൂട്ടം കാരോട് ബൈപ്പാസില് ഓടിക്കൊണ്ടിരുന്ന ടൂറിസ്റ്റ് ബസിന് തീപിടിച്ചു. ബംഗളൂരുവില്നിന്ന് തിരുവനന്തപുരത്തേക്ക് വരുമ്പോഴായിരുന്നു അപകടം. 18 യാത്രക്കാര് അപകടസമയത്ത് ബസിലുണ്ടായിരുന്നു. മുഴുവന് യാത്രക്കാരെയും സുരക്ഷിതമായി പുറത്തെത്തിച്ചു.
Follow the FOURTH PILLAR LIVE channel on WhatsApp
തിരുപുറം ആര്.സി. ചര്ച്ചിന് സമീപം എത്തിയപ്പോഴാണ് ബസിന്റെ മുന്നില്നിന്നും തീ പടര്ന്നത് ഡ്രൈവറുടെ ശ്രദ്ധയില്പ്പെട്ടത്. ഉടന് തന്നെ ഡ്രൈവര് ബസ് സമീപത്ത് ഒതുക്കിനിര്ത്തുകയും യാത്രക്കാരെ സുരക്ഷിതമായി പുറത്തെത്തിക്കുകയും ചെയ്തു. ഇതിന് പിന്നാലെ ബസ് മുഴുവന് തീ പടര്ന്നു പിടിക്കുകയായിരുന്നു.
മുരഹര ട്രാവല്സിന്റെ ബസ് ആണ് അപകടത്തില്പ്പെട്ടത്. ഡ്രൈവര് ക്യാബിനും യാത്രക്കാരുടെ രണ്ട് ക്യാബിനും പൂര്ണമായും കത്തിനശിച്ചു. ഷോര്ട്ട് സര്ക്യൂട്ട് ആവാം തീപിടിത്തത്തിന് കാരണമെന്നാണ് പ്രാഥമിക നിഗമനം. നെയ്യാറ്റിന്കരയില്നിന്നും പൂവാറില്നിന്നും രണ്ട് അഗ്നിരക്ഷാസേന യൂണിറ്റ് എത്തിയാണ് തീ അണച്ചത്.
