Follow the FOURTH PILLAR LIVE channel on WhatsApp
തിരുവനന്തപുരം: സംസ്ഥാന പൊതുമേഖലാ സ്ഥാപനമായ കെ.എസ്.എഫ്.ഇ. സംസ്ഥാന സർക്കാരിന് ലാഭവിഹിതമായി 35 കോടി രുപ നൽകി. ധനകാര്യ മന്ത്രി കെ.എൻ.ബാലഗോപാലിന് കമ്പനി ചെയർമാൻ കെ.വരദരാജൻ ചെക്ക് കൈമാറി.
കെ.എസ്.എഫ്.ഇ. എം.ഡി. ഡോ.എസ്.കെ.സനിൽ, ഡയറക്ടർ ബോർഡ് അംഗങ്ങളായ കെ.മനോജ്, ബി.എസ്.പ്രീത, ജനറൽ മാനേജർ -ഫിനാൻസ് എസ്.ശരത്ചന്ദ്രൻ എന്നിവർ സന്നിഹിതരായിരുന്നു.
2023–-24 സാമ്പത്തിക വർഷത്തിലെ ലാഭവിഹിതമാണ് കൈമാറിയത്. ആ വർഷം 489 കോടി രൂപയായിരുന്നു കമ്പനിയുടെ അറ്റാദായം. ആകെ വിറ്റുവരവ് 81,751 കോടി രൂപയും.
ഈ സാമ്പത്തിക വർഷം ഇതിനകം 90,000 കോടി രുപയുടെ വിറ്റുവരവുണ്ട്. ഒരുലക്ഷം കോടി രൂപയാണ് ലക്ഷ്യമിട്ടുള്ളത്.
Discover more from Fourth Pillar
Subscribe to get the latest posts sent to your email.
