Follow the FOURTH PILLAR LIVE channel on WhatsApp
ബംഗളൂരു: മുഡ ഭൂമി അഴിമതി കേസുമായി ബന്ധപ്പെട്ട് 100 കോടി രൂപ മൂല്യം വരുന്ന 92 വസ്തുക്കള് കണ്ടുകെട്ടി. കര്ണാടക മുഖ്യമന്ത്രി സിദ്ധരാമയ്യയും ഭാര്യയും പ്രതികളായ കേസിലാണ് എന്ഫോഴ്സ്മെൻ്റ് ഡയറക്ടറേറ്റിൻ്റെ നടപടി. നേരത്തെ കേസുമായി ബന്ധപ്പെട്ട് റിയല് എസ്റ്റേസ്റ്റുകാരും ഇടനിലക്കാരും ഉള്പ്പെടെയുള്ളവരുടെ 300 കോടി രൂപയുടെ സ്വത്തുക്കള് ഇ.ഡി. കണ്ട് കെട്ടിയിരുന്നു.
മൈസൂരു നഗര വികസന അതോറിറ്റിയുടെ കീഴിലുള്ള ഭൂമി അനധികൃതമായി സിദ്ധരാമയ്യയും കുടുംബവും കൈക്കലാക്കി എന്നാണ് പരാതി. ലോകായുക്ത പൊലീസ് രജിസ്റ്റര് ചെയ്ത എഫ്.ഐ.ആര്. അടിസ്ഥാനമാക്കിയുള്ള ഇ.ഡിയുടെ അന്വേഷണത്തില് വ്യാപക സാമ്പത്തിക അഴിമതിയാണ് കണ്ടെത്തിയിരിക്കുന്നത്. ഇപ്പോള് കണ്ടുകെട്ടിയ 92 വസ്തുവകകള് കൂടാതെ മുന്പ് 160 മുഡ സൈറ്റുകളാണ് ഇ.ഡി. കണ്ടുകെട്ടിയത്. കേസില് ഇതുവരെ 400 കോടി രൂപയുടെ വസ്തു വകകളാണ് ഇ.ഡി. കണ്ടുകെട്ടിയത്.
