കൊച്ചി: കേരളാ ബ്ലാസ്റ്റേഴ്സ് മധ്യനിരയിൽ ക്യാപ്റ്റൻ അഡ്രിയാൻ ലൂണയ്ക്ക് മോണ്ടിനെഗ്രോയിൽ നിന്നൊരു കൂട്ട് വരുന്നു. മോണ്ടിനെഗ്രോയിൽ നിന്നുള്ള ഡിഫൻസീഫ് മിഡ്ഫീൽ‍ഡർ ഡുഷാൻ ലഗേറ്ററുമായി കരാർ ഒപ്പിട്ടതായി ബ്ലാസ്റ്റേഴ്സ് പ്രഖ്യാപിച്ചു.
Follow the FOURTH PILLAR LIVE channel on WhatsApp
പ്രതിരോധത്തിലെ ദൃഢത, ഹൈബോളുകൾ കളിക്കാനുള്ള ശേഷി, തന്ത്രപരമായ അവബോധം എന്നിവയ്ക്ക് പേരുകേട്ട ലാഗേറ്ററിന്റെ വൈദഗ്ദ്ധ്യം അദ്ദേഹത്തെ ഒരു ഡിഫൻസീവ് മിഡ്ഫീൽഡറായി ഫലപ്രദമായി പ്രവർത്തിക്കാൻ അനുവദിക്കുന്നു. ഇത് ടീമിന്റെ പ്രതിരോധ ഘടനയ്ക്ക് വഴക്കം നൽകും.
ബ്ലാസ്റ്റേഴ്സുമായി 2026 മെയ് വരെ കരാർ കാലാവധിയുള്ള ഈ 30കാരൻ യൂറോപ്പിലുടനീളമുള്ള വിവിധ ക്ലബ്ബുകൾക്കായി ഏകദേശം 300 മത്സരങ്ങൾ കളിച്ചിട്ടുണ്ട്. അണ്ടർ 19, അണ്ടർ 21, സീനിയർ തലങ്ങളിൽ മോണ്ടിനെഗ്രോ ദേശീയ ടീമിനെയും ലഗേറ്റർ പ്രതിനിധീകരിച്ചു.
2011 ൽ മോണ്ടിനെഗ്രിൻ ക്ലബ്ബായ എഫ്.കെ. മോഗ്രെനിലൂടെയാണ് ലഗേറ്റർ തന്റെ പ്രൊഫഷണൽ കരിയർ ആരംഭിച്ചത്. കരിയറിൽ 10 ഗോളുകൾ നേടിയിട്ടുണ്ട്. അദ്ദേഹം ഉടൻ തന്നെ ബ്ലാസ്റ്റേഴ്സിനൊപ്പം ചേരുകയും പരിശീലനം ആരംഭിക്കുകയും ചെയ്യും.
‘ഡുസാൻ ഗണ്യമായ അനുഭവപരിചയമുള്ള ഒരു കളിക്കാരനാണ്. മധ്യനിരയെ നിയന്ത്രിക്കാനുള്ള അദ്ദേഹത്തിന്റെ കഴിവ് ഞങ്ങളുടെ ടീമിന് വലിയ മൂല്യം നൽകും. അദ്ദേഹത്തിന്റെ പ്രകടനം കാണാൻ ഞങ്ങൾ ആവേശഭരിതരായി കാത്തിരിക്കുകയാണ്’, കേരള ബ്ലാസ്റ്റേഴ്സ് എഫ്.സിയുടെ സ്‌പോർട്ടിങ് ഡയറക്ടർ കരോലിസ് സ്കൈങ്കിസ് പറഞ്ഞു.
