Follow the FOURTH PILLAR LIVE channel on WhatsApp
തിരുവനന്തപുരം: തൃശ്ശൂര്‍ പൂരം നടത്തിപ്പില്‍ പിന്തുണ തേടി തിരുവമ്പാടി ദേവസ്വം ഭാരവാഹികള്‍ മുഖ്യമന്ത്രിയെ കണ്ടു. തിരുവനന്തപുരത്ത് എ.കെ.ജി. പഠന ഗവേഷണ കേന്ദ്രത്തിലെത്തിയാണ് ദേവസ്വം ഭാരവാഹികള്‍ മുഖ്യമന്ത്രിയെ കണ്ടത്. സി.പി.എം. സംസ്ഥാന കമ്മിറ്റി യോഗം നടക്കുന്നതിനാലാണു മുഖ്യമന്ത്രി ശനിയാഴ്ച രാവിലെ ഇവിടെയെത്തിയത്.
മുഖ്യമന്ത്രി വാഹനം നിര്‍ത്തി പുറത്തേക്ക് ഇറങ്ങിയപ്പോള്‍ തന്നെ ഭാരവാഹികള്‍ തൃശ്ശൂര്‍ പൂരത്തിൻ്റെ ലഘുലേഖ കൈമാറി. ഒപ്പം നിന്ന് ഫോട്ടോയെടുത്തു. ഇതിനിടെ തിരുവമ്പാടി ദേവസ്വത്തിലെ അംഗം മുഖ്യമന്ത്രിയുടെ പാദം തൊട്ട് അനുഗ്രഹം തേടിയത് വേറിട്ട കാഴ്ചയായി. ദേവസ്വത്തിലെ അംഗമായ വിജയ മേനോനാണ് കാല്‍ തൊട്ട് അനുഗ്രഹം തേടിയത്.
നല്ല രീതിയില്‍ പൂരം നടക്കുമെന്ന് മുഖ്യമന്ത്രി ഉറപ്പു നല്‍കിയതായി ദേവസ്വം പ്രസിഡൻ്റ് ഡോ.സുന്ദര്‍ മേനോന്‍ കൂടിക്കാഴ്ചയ്ക്ക് ശേഷം പ്രതികരിച്ചു. പൂരം കാണാന്‍ മുഖ്യമന്ത്രിയെ ക്ഷണിച്ചു. പറ്റിയാല്‍ എത്താമെന്ന് അദ്ദേഹം അറിയിച്ചതായും ദേവസ്വം പ്രസിഡൻ്റ് പറഞ്ഞു.
