തിരുവനന്തപുരം: തദ്ദേശസ്ഥാപനങ്ങൾക്കായി 211 കോടി രൂപകൂടി അനുവദിച്ചതായി ധനമന്ത്രി കെ.എൻ.ബാലഗോപാൽ അറിയിച്ചു. പൊതുആവശ്യങ്ങൾക്ക്‌ വിനിയോഗിക്കാനാകുന്ന ജനറൽ പർപ്പസ്‌ ഫണ്ടിന്റെ ഒരുഗഡുവാണിത്‌.
Follow the FOURTH PILLAR LIVE channel on WhatsApp
പഞ്ചായത്തുകൾക്ക്‌ 150 കോടി രൂപ ലഭിക്കും. ബ്ലോക്ക്‌ പഞ്ചായത്തിന്‌ 10 കോടിയും ജില്ലാ പഞ്ചായത്തിന്‌ 7 കോടിയും മുനിസിപ്പാലിറ്റികൾക്ക്‌ 26 കോടിയും കോർപറേഷനുകൾക്ക്‌ 18 കോടിയും അനുവദിച്ചു.
കേന്ദ്ര സർക്കാർ സാമ്പത്തികമായി ഞെരുക്കുമ്പോഴും തദ്ദേശ സ്വയംഭരണ സ്ഥാപനങ്ങൾക്കായി നീക്കിവച്ചിട്ടുള്ള തുക പൂർണമായും ലഭ്യമാക്കുകയെന്ന പ്രതിജ്ഞാബദ്ധമായ നിലപാടാണ്‌ സർക്കാർ സ്വീകരിക്കുന്നതെന്ന്‌ മന്ത്രി പറഞ്ഞു.
ഈ സാമ്പത്തിക വർഷം 10,433 കോടി രൂപ തദ്ദേശഭരണ സ്ഥാപനങ്ങൾക്ക്‌ അനുവദിച്ചു.
