Follow the FOURTH PILLAR LIVE channel on WhatsApp
കൊച്ചി: രാഹുല് ഈശ്വറിന് എതിരായ ഹണി റോസിന്റെ പരാതിയില് പൊലീസ് ഉടനെ കേസെടുക്കും. ശനിയാഴ്ചയാണ് രാഹുല് ഈശ്വരനെതിരെ എറണാകുളം സെന്ട്രല് സ്റ്റേഷനില് നേരിട്ട് എത്തി ഹണി റോസ് പരാതി നല്കിയത്. രാഹുല് ഈശ്വര് മുന്കൂര് ജാമ്യത്തിനു വേണ്ടിയിട്ടുള്ള ശ്രമങ്ങൾ ആരംഭിച്ചിരിക്കുകയാണ്.
സാമൂഹിക മാധ്യമങ്ങളിലൂടെ രാഹുല് ഈശ്വരന്റെ പരാമര്ശങ്ങളോട് പ്രതികരിച്ച നടി ഉടന്തന്നെ നിയമനടപടികള് സ്വീകരിക്കുകയായിരുന്നു. ബോബി ചെമ്മണ്ണൂരിന് എതിരായ കേസില് വീണ്ടും മൊഴിയെടുക്കുവാന് സ്റ്റേഷനിലേക്ക് വിളിച്ചപ്പോള് ആയിരുന്നു രാഹുല് ഈശ്വരനെതിരെ കൂടി പരാതി നല്കിയത്.
ചാനല് ചര്ച്ചകളില് നടി ഹണി റോസിനെതിരെ രാഹുല് ഈശ്വര് മോശം പരാമര്ശം നടത്തിയ സാഹചര്യത്തിൽ തൃശ്ശൂർ സ്വദേശിയായ ഒരാളും എറണാകുളം സെന്ട്രല് പൊലീസ് സ്റ്റേഷനിൽ പരാതി നല്കിയിട്ടുണ്ട്. ഹണി റോസ് കുറച്ചുകൂടി മാന്യമായി വസ്ത്രം ധരിക്കണമെന്ന് തനിക്ക് അഭിപ്രായമുണ്ടെന്നും വിമര്ശനങ്ങളില് നിന്ന് പിന്നോട്ടില്ലെന്നുമാണ് രാഹുല് ഈശ്വര് പറഞ്ഞത്.
സാമൂഹിക മാധ്യമങ്ങളില് നടിക്കെതിരെ അശ്ലീല കമന്റുകള് എഴുതിയ കൂടുതല് പേര്ക്കെതിരെ നടപടികള് ഉണ്ടായേക്കും. നിലവില് ഹണി റോസിൻ്റെ പരാതിയില് റിമാന്ഡിലായ ബോബി ചെമ്മണ്ണൂരിന്റെ ജാമ്യാപേക്ഷയില് ചൊവ്വാഴ്ച ഹൈകോടതി വാദം കേള്ക്കും.
