Follow the FOURTH PILLAR LIVE channel on WhatsApp
മുംബൈ: മഹാരാഷ്ട്രയില് ജല്ഗാവില് തീവണ്ടിയിൽ നിന്ന് പുറത്തേക്ക് ചാടിയ 11 യാത്രക്കാര്ക്ക് ദാരുണാന്ത്യം. മഹാരാഷ്ട്രിയിലെ ജല്ഗാവിലാണ് അപകടം. സമീപത്തെ ട്രാക്കിലൂടെ വന്ന ട്രെയിന് ഇടിച്ചാണ് ഭൂരിഭാഗം പേരും മരിച്ചത്. 10ഓളം പേര്ക്ക് ഗുരുതരമായി പരുക്കേറ്റതായും റിപ്പോര്ട്ടുണ്ട്.
ലഖ്നൗവില് നിന്ന് മുംബൈയിലേക്ക് വരുന്ന പുഷ്പക് എക്സ്പ്രസിന്റെ ബോഗികളിലൊന്നില് നിന്ന് തീയും പുകയും ഉയരുന്നത് കണ്ടു എന്ന സംശയത്തിലാണ് യാത്രക്കാർ ചാടിയതെന്നാണ് വിവരം. എന്നാല് തീവണ്ടിയിൽ തീപിടിത്തമുണ്ടായി റെയില്വേ സ്ഥിരീകരിച്ചിട്ടില്ല. തീവണ്ടിയുടെ വേഗം കുറഞ്ഞപ്പോള് ചക്രത്തില് നിന്ന് പുക ഉയര്ന്നതാണെന്നും ഇത് കണ്ട് തീപിടിച്ചതാണെന്ന് തെറ്റിദ്ധരിച്ചാണ് ഇവര് ചാടിയതെന്നുമാണ് വിവരം.
25ഓളം ആളുകളാണ് ഇത്തരത്തില് ചാടിയത്. ഇവര് ചാടിയ ഉടനെ എതിർദിശയിലെ ട്രാക്കിലൂടെ വന്ന കർണാടക എക്സ്പ്രസ് ഇടിച്ചാണ് ആളുകൾ മരിച്ചത്. 16ഓളം പേരെയാണ് ട്രെയിന് ഇടിച്ചതെന്നാണ് വിവരം.
