Follow the FOURTH PILLAR LIVE channel on WhatsApp
കൊച്ചി: സാമൂഹിക മാധ്യമത്തില് അധിക്ഷേപിച്ചെന്ന നടി ഹണി റോസിന്റെ പരാതിയില് ഒരാളെ എറണാകുളം സെന്ട്രല് പൊലീസ് അറസ്റ്റ് ചെയ്തു. കുമ്പളം സ്വദേശി ഷാജിയാണ് അറസ്റ്റിലായത്. നടിയുടെ പരാതിയില് മുപ്പതോളം പേര്ക്കെതിരേ പോലീസ് കേസെടുത്തിരുന്നു.
ദ്വയാര്ഥ പ്രയോഗം നടത്തി പിന്നാലെ നടന്ന് അപമാനിക്കുന്ന വ്യക്തിക്കെതിരേ ഹണി റോസ് നടത്തിയ പരസ്യ പ്രതികരണത്തിന് താഴെയാണ് അധിക്ഷേപ കമന്റുകള് വന്നത്. സോഷ്യല് മീഡിയ പോസ്റ്റിന് താഴെ അശ്ലീല കമന്റുകളുമായി എത്തിയ 30ഓളം പേര്ക്കെതിരേ ഞായറാഴ്ച്ച രാത്രിയോടെ എറണാകുളം സെന്ട്രല് പൊലീസില് ഹണി റോസ് പരാതി നല്കിയിരുന്നു.
സ്ത്രീത്വത്തെ അപമാനിക്കുകയും സാമൂഹികമാധ്യമങ്ങളിലൂടെ അധിക്ഷേപിക്കുകയും ചെയ്യുന്ന പ്രമുഖ വ്യക്തിക്കെതിരേ കഴിഞ്ഞ ദിവസമാണ് രൂക്ഷപ്രതികരണവുമായി നടി രംഗത്ത് വന്നത്.
Discover more from Fourth Pillar
Subscribe to get the latest posts sent to your email.
