Follow the FOURTH PILLAR LIVE channel on WhatsApp
തിരുവനന്തപുരം: സംസ്ഥാന ഐ.ടി.ഐകളിൽ ആർത്തവ അവധി പ്രഖ്യാപിച്ച് വിദ്യാഭ്യാസ മന്ത്രി വി.ശിവൻകുട്ടി. മാസത്തിൽ റണ്ടു ദിവസമാണ് ഐ.ടി.ഐകളിലെ വനിതാ ട്രെയ്‌നികൾക്ക് ആർത്തവ അവധി അനുവദിച്ചിരിക്കുന്നത്.
ഐ.ടി.ഐ. ട്രെയ്‌നികൾക്ക് എല്ലാ ശനിയാഴ്ചയും അവധി നല്കാനും സർക്കാർ തീരുമാനിച്ചിട്ടുണ്ട്. ഇതുമൂലം പരിശീലനസമയം നഷ്ടപ്പെടുന്നത് ഒഴിവാക്കുന്നതിനായി ഷിഫ്റ്റുകൾ പുനർനിശ്ചയിക്കും.
ആദ്യ ഷിഫ്റ്റ് രാവിലെ 7.30 മുതൽ വൈകുന്നേരം 3 മണി വരെയും രണ്ടാമത്തേത് രാവിലെ 10 മണി മുതൽ വൈകുന്നേരം 5.30 മണി വരെയുമാണ്. ശനിയാഴ്ച അവധിയാണെങ്കിലും ആവശ്യക്കാർക്ക് ഷോപ് ഫ്‌ളോർ ട്രെയ്‌നിങ്, ഹ്രസ്വകാല പരീിശീലന കോഴ്‌സുകൾ എന്നിവയ്ക്കായും മറ്റു പാഠ്യേതര പ്രവർത്തനങ്ങൾക്കായും ഉപയോഗിക്കാം.
